வேளாண்மைத்துறை

தருமபுரி மாவட்டத்தில் சராசரி ஆண்டு மழையளவு 853.10 மி.மீட்டர் ஆகும். இம்மாவட்டத்தில் மொத்த விவசாயிகளின் எண்ணிக்கை 210300 ல் சிறு, குறு விவசாயிகள் எண்ணிக்கை 190000 ஆகும். 70 விழுக்காடு மக்கள் விவசாயம் மற்றும் விவசாயம் சார்ந்த தொழில்களையே தங்கள் வாழ்வாதாரமாக கொண்டுள்ளதால் விவசாயமே மாவட்ட பொருளாதாரத்தின் மிக முக்கியமான பிரிவாக விளங்குகிறது. மாவட்டத்தில் உள்ள மொத்த பரப்பளவான 443741 ஹெக்டேரில் 166843 ஹெக்டேரை சாகுபடி பரப்பாகக் கொண்டுள்ளது. இம்மாவட்டத்தில் பெரும்பாலும் இராகி மற்றும் பயறு வகை பயிர்கள் மானாவாரி நிலங்களில் பயிரிடுகின்றனர். விவசாய உற்பத்தியில் நிலைத்தன்மையை உறுதி செய்யவும்இ மக்கள்தொகை வளர்ச்சிக்கேற்ப உற்பத்தியை உயர்த்தவும் தேவையான அரசின் கொள்கைகளும் நோக்கங்களும் செயல்படுத்தப்பட்டு வருகின்றன.. இதன் மூலம் விவாசாயம் சார்ந்த தொழில்களை மேம்படுத்தப்படுவதுடன் ஊரக மக்களுக்கு வேலைவாய்ப்பு வசதிகள் கிடைக்கப்பெறுகிறது.

இம்மாவட்ட விவசாயிகள் மாறிவரும் தொழில் நுட்பங்களை ஏற்றுக்கொள்வதிலும் பயன்படுத்துவதிலும் முன்னோடியாக விளங்குவதால் வேளாண் உற்பத்தியில் தருமபுரி மாவட்டம் எப்போதுமே முன்னோடி மாவட்டங்களுள் ஒன்றாக விளங்குகிறது.

விவசாய உற்பத்தியை உயர்த்தவேண்டி பல வளர்ச்சி திட்டங்களை செயல்படுத்தியும் அதன் தொடர்புடைய தொழில்நுட்பங்களை விவசாயிகளிடம் கொண்டு சேர்த்தும் அதிக வளர்ச்சி விகிதத்தை அடைவதற்கான சவாலை விவசாயத்துறை திறமையாக எதிர் கொள்கிறது. விவசாயிகளுக்கு நல்ல வருவாயும் விவசாய பொருட்களுக்கு மதிப்பு கூட்டுதல் மூலம் அவர்களுடைய பொருளாதார நிலைமையை மேம்படுத்த ஏற்கனவே உள்ள பயிர் சுழற்சி மற்றும் பயிர் பரவலாக்கல் தொழில் நுட்பங்களுடன் கூடுதலாக கலைஞரின் அனைத்து கிராம ஒருங்கிணைந்த வேளாண் வளர்ச்சித் திட்டம்(KAVIADP), மாநில வேளாண் வளர்ச்சி திட்டம்(SADS), நீடித்த நிலையான தேசிய இயக்கம் (NMSA), முதலமைச்சரின் மானாவாரி மேம்பாட்டு இயக்கம்(CMDDM), நீடித்த நிலையான பருத்தி இயக்கம்(SCCM), நுண்ணீர் பாசனம் மூலமாக நீர் மேலாண்மை பசுந்தாள் உரங்கள், உயிர் உரங்கள் இயற்கை உர வேளாண்மை ஒருங்கிணைந்த சத்து மேளாண்மை மேற்கொள்ளல் (INM) மூலம் மண் வளமேம்பாடு, நீடித்த நிலையான கரும்பு இயக்கம், ஒருங்கினைந்த பூச்சி மேலாண்மை (IPM) இயற்கை சீற்றங்களினால் ஏற்படும் பயிர் இழப்பீட்டினை ஈடு செய்ய பிரதம மந்திரியின் பயிர் காப்பீடு திட்டம் போன்ற பல்வேறு திட்டங்களுக்கு அதிக முன்னுரிமை கொடுத்து செயல்படுத்தப்படுகிறது.

திருந்திய பிரதம மந்திரி பயிர் காப்பீட்டுத் திட்டம் :

திருந்திய பிரதம மந்திரி பயிர் காப்பீட்டுத் திட்டம் மத்திய மற்றும் மாநில அரசுகளின் மானியத்துடன் 13 ஜனவரி 2016 முதல் தமிழகத்தின் அனைத்து மாவட்டங்களிலும் (சென்னை தவிர) செயல்படுத்தப்பட்டு வருகிறது.

திட்டத்தின் நோக்கம்:

வேளாண்மையில் நிலையான உற்பத்திக்கு பின்வரும் வழிமுறைகளால் துணை நிற்பதே ஆகும்.
வறட்சி, புயல் போன்ற இயற்கை இடர்பாடுகளால் பயிர் இழப்பு ஏற்படும் விவசாயிகளுக்கு இழப்பீட்டுத் தொகை வழங்குதல்.
விவசாயிகளுக்கு நிலையான வருமானம் கிடைக்கச் செய்து அவர்களை விவசாயத்தில் நிலைபெற செய்தல்.
அறிவிக்கை செய்யப்பட்ட பிர்க்கா அளவிலான அறிவிக்கை செய்யப்பட்ட பயிர்களை பயிரிடும் விவசாயிகள் அனைவரும் (குத்தகை விவசாயிகள் உட்பட) இத்திட்டத்தில் சேர தகுதியானவர்கள்.
பயிர் கடன் மற்றும் விவசாய நகைக் கடன் பெறும் விவசாயிகள் தங்களது விருப்பத்தின் பேரில் அனைவரும் இத்திட்டத்தில் வங்கிகள் மூலமாக பதிவு செய்யலாம்.